點解我會選擇康齒堂
有睇開我既讀者應該都知道，我之前帶左阿仔去康齒堂睇牙，之後仲搵埋游醫生做consult做矯正。如果你覺得我對康齒堂既態度好正面，冇錯，你係正確既。雖然我睇牙既經驗唔係好豐富，但每次搵康齒堂幫手，我都覺得好滿意。
首先，我覺得醫生份人幾nice。我呢度係指幫我仔睇左兩次既游醫生。我知道診所有好幾位醫生，所以我都唔能夠用一位醫生就代表曬所有人。
可能因為我主要帶阿仔睇，所以我會希望醫生係對我個小朋友既時候，可以友善d。以前睇牙科以外既醫生，講真，好多都好「公事公辦」，面對小朋友唔會有特別技巧，所以其實我仔都幾怕睇醫生。雖然第一次拿走隻蛀牙阿仔都有喊，但我見到醫生係睇症過程係細心既。
康齒堂服務多樣化
其次，我覺得康齒堂都幾多牙科服務，連整假牙都好幾種。不過我好少睇牙醫，所以都唔肯定其他牙醫既服務範圍有幾大，不過應付日常需要，我諗搵佢都已經夠了。
目前為止，阿仔搞左一次蛀牙、一次矯正諮詢、一次訂造透明牙套。我當然都唔希望我或者阿仔遲下會用到其他牙科服務啦，不過得個知字，起碼真係有需要都知去邊度睇，或者介紹俾有需要既親朋戚友。
康齒堂地理位置幾方便
係地理位置黎講，呢間診所都算方便。佢無論係港島、九龍、新界都有診所，無論返工同住邊區，都應該可以搵到方便自己既診所。
我同阿仔之前次次都係去佢地火炭既診所。火炭診所都幾方便區內區外人士，因為就係火炭站C出口，基本一出去就會搵到。雖然我唔係住正宗北區，不過火炭診所都算近我，而且火炭呢間診所係新界區既旗艦店，所以揀左呢間睇。
睇過3次，都我都分享下康齒堂火炭好唔好。
康齒堂火炭好唔好？
講康齒堂火炭好唔好，我會從以下3方面黎分析：
首先，我覺得火炭既職員服務態度幾好。我第一次帶阿仔睇係睇牙痛。牙痛呢家野，你話係急症咩，其實唔會死人；但你話唔係急症咩，隻牙痛住其實好難食野，做咩都冇心機。所以當我第一次打上去約期既時候，態度都非常趕急，仲不斷強調因為係小朋友睇，麻煩約快少少。可能當時職員都感覺到我頻臨爆發既心情，搞左一輪幫我約到即日晏晝。我真係代阿仔感謝佢。
其次，都係個句，醫生好好，好有耐性。唔知係迷都睇慣小朋友，係剝牙過程中阿仔有喊，基本上係一聽到要剝牙已經開始喊，由開始喊到完結。醫生係剝牙既途中仲有耐性同阿仔講下其他野分散佢注意力。反而係我，見到剝牙既過程驚驚地有d唔識反應。
最後就係牙齒矯正方面，職員同醫生都專業，解釋得好清楚。我之前以為做矯正就係整齊棚牙，棚牙齊左就會好睇，冇諗過原來都要參考面型特別設計療程，又學多左樣野。
總括而言，基於地點、職員服務、醫生技巧同專業，如果問我覺得康齒堂火炭好唔好，我覺得係好既。尤其是如果要帶小朋友睇，可以認真考慮下康齒堂。
